سلام آباد(آن لائن)اکبر ایس بابر نے کہا ہے کہ ممنوعہ فنڈنگ کیس میں لارجر بینچ تشکیل دیا گیا ہے جو کہ خوش آئندہ ہے ،ہم سمجھتے ہیں جہاں الیکشن کمیشن کے فیصلے کو چیلنج کیا ہے اس میں ہمیں فریق بنایا جائے ۔ان خیالات کا اظہار انھوں نے گزشتہ روز اسلام آباد ہائی کورٹ کے باہر

میڈیا سے گفتگو کرتے ہوئے کیا انھوں نے مزید کہا کہ بارہا کوشش کی گئی کہ ہمیں نکالا جائے، غیر قانونی فنڈ ریزنگ کو غیر قانونی قرار دیا گیا ہے ،میں کہتا آیا ہے ہوں یہ پاکستان کی تاریخ کا سب سے بڑا فنڈنگ سکینڈل ہے ،اس سکینڈل میں پاکستان تحریک انصاف کے رہنما شریک ہیں، انھوں نے یہ بھی کہا کہ فنانشل ٹائمز کی خبر نے ثابت کیا ابراج سے ڈالرز آئے ،عمران خان آپ نے سچائی سامنے آنے سے روکنے کیلئے کئی پٹیشن دائر کیں، فنانشل ٹائمز کی سٹوری آپ کے دعووئوں کو تباہ کرتی ہے کہ کچھ نہیں چھپایا،آپ فنانشل ٹائمز کیخلاف دعوی کیوں دائر نہیں کرتے ،آپ کو تو اْس ملک کی عدالتوں پر بڑا اعتبار ہے ،لارجر بنچ تشکیل دینے کا فیصلہ خوش آئند ہے ،خیر مقدم کرتے ہیں یہ کیس پاکستان کی سیاست کو تبدیل کر دے گا ،شوکاز کے نتیجے میں آنے والے دنوں میں جو فیصلے آئیں گے قوم کی آنکھیں کھل جائیں گی، پی ٹی آئی ہمارا گھر ہے ہم نے پہلے اپنے گھر سے شروع کیا ہے دیگر جماعتوں کی تحقیقات جاری ہیں الیکشن کمیشن کو کسی قسم کی معاونت کی ضرورت ہے تو ہم حاضر ہیں۔