پشاور(این این آئی)پی ڈی ایم اے نے صوبے میں گزشتہ 24 گھنٹوں کے دوران بارشوں سے نقصانات کی رپورٹ جاری کردی۔رپورٹ کے مطابق بارشوں کے نتیجے میں دوافرادجاں بحق اور ایک مکان کوجزوی نقصان پہنچا ہے۔پی ڈی ایم اے خیبرپختونخوا نے حالیہ بارشوں سے نقصانات کی رپورٹ جاری کر دی ہے، رپورٹ کے مطابق گزشتہ 24 گھنٹوں کے دوران بارشوں سے دو افرادجاں بحق ہوگئے اور ایک مکان کوجزوی نقصان پہنچا۔جاں بحق افراد کا تعلق مردان اور باجوڑسے ہے۔ رپورٹ کیمطابق صوبے کے تمام دریائوں میں اس وقت پانی کا بہائونارمل ہے۔پی ڈی ایم اے حکام کا کہنا تھاکہ لینڈ سلائیڈنگ کے باعث دیراپرکی بندسڑکوں کوبحال کر دیاگیا۔حکومت کی ہدایت پر پی ڈی ایم اے، ضلعی انتظامیہ اورمتعلقہ ادارے ہائی الرٹ ہیں۔