پتوکی (این این آئی ) پتوکی نجی پرائیویٹ سکول سے سیکورٹی گارڈ اور لڑکی سمیت دو لاشیں برآمد پولیس نے فوری موقع پر پہنچ کر جائے وقوعہ سے پسٹل اپنے قبضہ میں لیکر اور لاشوں کو پوسٹ مارٹم کیلئے ڈسٹرکٹ ہسپتال منتقل کرکے
قانونی کاروائی شروع کردی کرائم سین یونٹ اور فرانزک ٹیموں نے موقع پر پہنچ کر شواہد اکٹھے کرنا شروع کردئے ڈی پی او قصور صہیب اشرف نے واقع کا نوٹس لیتے ہوئے ایس پی انویسٹی گیشن عبدالوہاب کے ہمراہ جائے وقوعہ کا دورہ کیا اس موقع پر پولیس افسران کا کہنا ہے کہ قتل یا خود کشی کی واردات کو ٹریس کرنے کیلئے سی سی ٹی وی کیمروں کی فوٹیج بھی حاصل کی جارہی ہیں لڑکی کی شناخت کیلئے سکول انتظامیہ اور علی شان کے ورثا سے پوچھ گچھ جاری ہے قانونی کاروائی عمل میں لائی جا رہی ہے اور ڈیڈ باڈیز کو پوسٹ مارٹم کے لیے ڈی ایچ کیو ہسپتال منتقل کردیا گیا ہے لڑکے کی شناخت علی شان ولد عبدالرشید سکنہ شیخ عماد بعمر 24 سال سے ہوئی علی شان نجی پرائیویٹ سکول میں بطور سکیورٹی گارڈ تعینات تھا جبکہ لڑکی کی شناخت تاحال جاری ہے۔
