لاہور( این این آئی)پیٹرولیم مصنوعات کی قیمتوں کے بعد گھی کی قیمت میں ہوشربا اضافہ کے خلاف قرارداد پنجاب اسمبلی سیکرٹریٹ میں جمع کر ادی گئی ۔رکن پنجاب اسمبلی زہرا نقوی کی جانب سے جمع کرائی گئی قرارداد کے متن میں کہا گیا ہے کہ موجودہ حکومت ملک میں مہنگائی کی نئی لہر کو روکنے کے لئے کوئی اقدام نہیں کر رہی ،مہنگائی نے عام آدمی کی مشکلات میں مزید اضافہ کر دیا ہے ،اگر حکومت عام آدمی کو ریلیف فراہم نہیں کر سکتی تو فی الفور اسمبلیوں کو ختم کر کے ملک میں عام انتخابات کا اعلان کرے ۔