اسلام آباد( آن لائن )سابق وزیر اطلاعات و پاکستان تحریک انصاف کے اہم رہنما فواد چودھری نے کہا ہے کہ سندھ میں پانی چوری کی رپورٹس سے صاف نظر آ رہا ہے کہ پاکستان پیپلز پارٹی کے وڈیرے پانی چوری میں ملوث ہیں۔ ٹویٹر پر اپنے ایک ٹویٹ میں سابق وزیر اطلاعات نے کہاکہ وڈیرے پانی چوری کر رہے ہیں ، سندھ کا پانی غریب ہاری کو نہیں مل رہا اور حکومتی وزرا پانی کی کمی پر پنجاب کو مورد الزام ٹھہر اکر صوبائی منافرت کی سیاست کر تے ہیں۔ فواد چودھری کا مزید کہنا تھا کہ پنجاب کا کسان اور سندہ کا ہاری دونوں ہی زرداری مافیا سے تنگ ہیں۔