اسلام آباد (این این آئی)سابق وزیر اعظم عمران خان کی سابقہ اہلیہ ریحام خان نے انہیں حکومت مخالف مہم شروع کرنے پر طنز کا نشانہ بناتے ہوئے کہاہے کہ عمران خان پشاور دھماکے کے متاثرین کے اہل خانہ سے اظہار یکجہتی کیلئے پشاور نہیں گئے تھے ، اپنی حکومت مخالف مہم پشاور سے شروع کر رہے ہیں۔ریحام خان نے اپنی ٹوئٹ میں رواں برس 4 مارچ کو ہونے والے پشاور دھماکے کا ذکر کرتے ہوئے کہا کہ 4 مارچ 2022 کو پشاور کی مسجد میں دھماکے سے درجنوں نمازی شہید ہوئے۔انہوں نے لکھا کہ عمران خان متاثرین کے اہل خانہ سے اظہار یکجہتی کیلئے پشاور نہیں گئے تھے اور اب وہ اپنی حکومت مخالف مہم پشاور سے شروع کر رہے ہیں۔ریحام کا کہنا تھا کہ وہ شہر جہاں عمران خان اب بھی حکومت میں ہیں۔