لاہور(این این آئی) لاہور ہائیکورٹ نے سموگ پر قابو پانے کے لیے لاہور سے تجاوزات کے خاتمے کی درخواست پر سماعت کرتے ہوئے پنجاب حکومت سمیت دیگر فریقین کو آج بروز( منگل ) کیلئے نوٹس جاری کر دیے ۔جسٹس شاہد کریم نے جوڈیشل ایکٹوزم پینل کی درخواست پر سماعت کی ۔درخواست گزار کے
وکیل کاکہنا تھا کہ فضائی آلودگی سے سموگ میں دن بدن اضافہ ہو رہا ہے ۔ تجاوزات سے ٹریفک جام ہوتی ہے اور گاڑیوں کے دھوئیں سے فضائی آلودگی پیدا ہوتی ہے۔ استدعاہے کہ عدالت لاہور بھر سے تجاوزات کے فوری خاتمے کا حکم دے ۔عدالت نے پنجاب حکومت سمیت دیگر فریقین کو آج بروز( منگل ) کیلئے نوٹس جاری کر دیے۔
