اسلام آباد (این این آئی)چیئرمین فیڈرل بورڈ آف ریونیو (ایف بی آر) ڈاکٹر اشفاق احمد نے کہا ہے کہ منی بجٹ تیار ہوچکا، حکومت جب کہے گی پیش کردیں گے۔میڈیا سے غیر رسمی گفتگو میں چیئرمین ایف بی آر نے منی بجٹ کی تیاری مکمل ہونے کا انکشاف کیا۔ڈاکٹر اشفاق احمد نے کہا کہ
سیلز ٹیکس کی چھوٹ کو واپس لیا جارہا ہے ، لگڑری اشیاء کی درآمدات پر ٹیکس لگائیجائیں گے۔ انہوںنے کہاکہ درآمدی گاڑیوں پر اضافی ٹیکس کی سفارش ہے ، پٹرولیم مصنوعات پر سیلز ٹیکس ریفائنری اسٹیج پر لاگو ہوگا۔چیئرمین ایف بی آر نے کہا کہ کھانے پینے کی اشیاء اور ادویات پر ٹیکس چھوٹ برقرار رہے گی۔
