شیر گڑھ (این این آئی)وزیر مملکت برائے پارلیمانی امور علی محمد خان نے اتوار کو اپنے حجرے واقع ہاتھیان شیرگڑھ میں کھلی کچہری منعقد کی مختلف علاقوں سے آئے ہوئے لوگوں کے مسائل سنے ۔اس موقع پر این اے 22 پی کے 48 ,54 ،55 مختلف علاقوں سے آئے ہوئے وفود اور لوگوں نے اپنے علاقوں کے مسائل وفاقی وزیر مملکت علی محمد خان کے ساتھ ڈسکس کرتے ہوئے ہوئے

ان مسائل کے حل کی درخواست کی وفاقی وزیر مملکت نے اس موقع پر مختلف محکموں کے افسران کو فوری حل طلب مسائل کے حل کیلئے فون کرکے ضروری ہدایات جاری کر دیں۔ آئے ہوئے وفود میں لوگوں نے بجلی لوڈشیڈنگ سوئی گیس کی فراہمی گلی کوچوں اور سڑکوں کی پختگی کے حوالے سے مسائل وفاقی وزیر مملکت کے ساتھ ڈسکس کئیک۔انہوں نے اس موقع پر کہا کہ ہم خدمت کی سیاست پر یقین رکھتے ہیں ہم سیاست نہیں عوام کی خدمت کرتے ہیں اور اس سلسلے میں نے دن رات ایک کرکے عوام کے مسائل کو ہر فورم پر اٹھانے کے لئے کوشاں ہوں ۔انہوں نے کہا کہ این اے 22 صوبہ خیبر پختونخواہ کا دور دراز اور پسماندہ حلقہ ہے اور یہاں کے باشندوں کے ان گنت مسائل اور مشکلات ہیں ،ان مسائل کے حل کیلئے میں نے دن رات ایک کرکے کام کر رہا ہوں اپنے حلقے نیابت میں ترقیاتی کاموں کا جال بچھایا ہوا ہے اور اپنے حلقے کو ماڈل حلقہ بنا کر دم لوں گا۔ انہوںنے کہاکہ اپنے حلقے کے عوام نے مجھ پر جس اعتماد کا اظہار کیا ہے اس کو کسی صورت ٹھیس نہیں پہنچائیں گے مہنگائی کی یہ لہر عارضی ہے ،بہت جلد اس پر قابو پا لیں گے ،سابقہ حکمرانوں نے ملک کو تباہی کے دہانے پر پہنچا دیا ہے ۔پی ڈی ایم میں شامل تمام جماعتیں اپنی کرپشن چھپانے کیلئے ایک ہوئے ہیں پی ڈی ایم کی سیاست ہمیشہ کے لئے دفن ہو گئی ہے