اسلام آباد (این این آئی) دنیا کے طویل قامت افراد میں شمار نصیر سومرو کو پی آئی اے ہیڈ آفس کراچی میں پروموشن لیٹر مل گیا ۔ بدھ کو سی ای او پی آئی اے ائیر مارشل ارشد ملک نے نصیر سومرو کو ترقی کا لیٹر پیش کیا ۔ ترجمان کے مطابق نصیر سومرو کو آفیسر گروپ 5 سے 6 میں سینئر پیسنجر ہینڈلنگ سروسز افسر کے عہدے پر ترقی دی گئی ہے۔ارشد ملک نے نصیر سومرو کو

ترقی پر مبارکباد دیتے ہوئے کہاکہ توقع ہے کہ وہ مستقبل میں ایئر لائن کے لیے مزید بہتر کارکردگی کا مظاہرہ کریں گے۔ نصیر سومرو نے سی ای او پی آئی اے ایئر مارشل ارشد ملک کا شکریہ اور پروموشن لیٹر کیپر خوشی کا اظہار کیا ۔سی ای اؤ کے مشیر ایئر وائس مارشل عامر حیات اور چیف ایچ آر آفسر ایئر کموڈور عامر الطاف بھی موجود تھے۔