اسلام آباد( آن لائن ) پاکستان پیپلزپارٹی کی رہنما و سینیٹر شیری رحمان نے کہا ہے کہ ہر ناکامی کا الزام اپوزیشن پر ڈالنے والا بیانیہ اب پرانا ہو چکا ہے۔ اب کارکردگی دکھائو یا گھر جائو۔ سماجی رابطوں کی ویب سائٹ ٹوئٹر پر جاری اپنے ایک ٹویٹ میں شیری رحمان کا کہنا تھا کہ

رپورٹ بنا کر کہتے تھے ہم نے ورلڈ کپ جیت لیا ہے۔ کرپشن ثابت ہونے کے باوجود کسی کو سزا نہ ملنے کا مطلب حکومت خود ملوث ہے۔ ان سے نا ملک چلتا ہے نا ہی مہنگائی کنٹرول میں ہوتی ہے۔ انہوں نے کہا کہ ہر ناکامی کا الزام اپوزیشن پر ڈالنے والا بیانیہ اب پرانا ہو چکا ہے۔ اب کارکردگی دکھائو یا گھر جائو۔ تباہی سرکار کے 3 سالوں میں چینی کی قیمتیں 200 فیصد تک بڑھ گئی ہیں۔ چینی 53 روپے کلو تھی اب 160 روپے فی کلو ہے۔ حکومت ہمیشہ کی طرح اپوزیشن پر الزام لگا کر ذمہ داری سے بچنے کی کوشش کر رہی ہے۔ شوگر کمیشن کی انکوائری رپورٹ کا کیا ہوا، کہاں کیس چلا، کس کو سزا ملی، کون جیل گیا؟