لاہور( آن لائن ) وزیراعلیٰ پنجاب عثمان بزدار نے صوبے کے سرکاری اسپتالوں میں تعینات ایڈہاک ڈاکٹروں کی ملازمتوں میں ایک برس کیلئے توسیع کی منظوری دیدی۔ اس اقدام سے 4 ہزار سے زائد ایڈہاک ڈاکٹرز کو حقیقی معنوں میں ریلیف ملے گا۔وزیراعلیٰ پنجاب عثمان بزدار نے

صوبے بھر کے سرکاری اسپتالوں میں تعینات ایڈہاک ڈاکٹروں کی ملازمتوں میں ایک برس کے لئے توسیع کی منظوری دے دی ہے۔عثمان بزدار نے ایڈہاک ڈاکٹروں کو تنخواہوں کی ادائیگی بروقت یقینی بنانے کی ہدایت کرتے ہوئے کہا ہے کہ صوبائی حکومت کو دکھی انسانیت کی خدمت کرنے والے ڈاکٹرزکے مسائل کا پورا احساس ہے، ایڈہاک ڈاکٹروں کو آئندہ ری اپوائنٹمنٹ کے حوالے سے مسائل کا سامنا نہیں کرنا پڑے گا اور ایڈہاک ڈاکٹروں کی ری اپوائنٹمنٹ اور دیگر ایشوز کو فوری حل کیا جائے گا ان کے مسائل کے حل کیلئے متعلقہ حکام کو ہدایات جاری کردی ہیں – تحریک انصاف کی حکومت آئندہ بھی ڈاکٹرز کے مسائل کے حل کے لئے کوئی کسر اٹھا نہ رکھے گی-