سرگودہا(این این آئی)حکومت نے موٹر وے اور ہائی ویز پر سفر کے لئے کورونا ویکسینیشن آخری تاریخ ختم ہونے پر ٹرانسپورٹ کی مانٹرننگ کا عمل تیز کر دیا ۔ذرائع کے مطابق سرگودھا میں سیکرٹری ڈسٹرکٹ ریجنل ٹرانسپورٹ اتھارٹی فاروق حیدر عزیز نے تمام ٹرانسپورٹرز اور اڈا مالکان کو ہدایت کی کہ وہ کورونا ویکسینیشن ڈبل ڈوز کے حامل مسافروں کو ہی سفر کا ٹکٹ جاری کریں
اور سرٹیفکٹ چیک کر کے گاڑیوں میں سوار کریں۔انہوں نے بتایا کہ حکومت نے موٹر وے پر سفر کے لئے ڈبل ڈوز کی آخری تاریخ 15اکتوبر جبکہ ہائی ویز پر سفر کیلئے آخری تاریخ 30اکتوبر مقرر کی جو ختم ہو گئی ہے ۔ انہوں نے واضح کیاکہ اگر دوران چیکنگ مسافر ڈبل ڈوز ویکسینیشن کے بغیر سفرکرتا پایاگیا تو متعلقہ ٹرانسپورٹرز کے خلاف حسب ضابطہ کارروائی عمل میں لائی جائیگی۔
