لاہور( این این آئی)تحریک انصاف کے سینیٹر فیصل واوڈا نے کہا ہے کہ وزیراعظم کے سامنے جو ٹارزن بنے ہوتے ہیں ان کی باہر ٹانگیں کانپ رہی ہوتی ہیں،پرامن احتجاج کروڑوں لوگ بھی کریں توان کاحق ہوتا ہے مگر احتجاج میں تشدد آجائے تو وہ احتجاج نہیں دہشتگردی ہوتی ہے
ایک نجی ٹی وی سے انٹر ویو میں انہوںنے کہا کہ فوادچوہدری کی گفتگو سے اختلاف یا اس کی حمایت کی جاسکتی ہے انہوں نے جو بھی گفتگو کی وہ واضح توتھی ، وزیراعظم کے سامنے جوجوٹارزن بنتے ہیں ان کی باہرٹانگیں کانپ رہی ہوتی ہیں ،وزیراعظم کوبھی کہا جویہاں ٹارزن بنے ہیں ان کی باہرٹانگیں کانپتی ہیں۔سینیٹر فیصل واڈانے کہا کہ جوشخص معاہدہ کرتا ہے وہ اس کاذمہ داربھی ہوتاہے ،یہ کوئی طریقہ نہیں جہاں پھنسے الزامات وزیراعظم پر لگا دیئے ،جی ٹی روڈبند رکھا گیا، پولیس والوں کوشہیدکیاگیاان کاجوابدہ کون ہے؟ ،پرتشدد احتجاج کے راستے بندہونے چاہئیںانہوںنے کہا کہ نورمقدم قتل کیس میں سب کچھ واضح ہیں لیکن تاریخ پرتاریخ ہورہی ہے ،ہمارے ملک کاسسٹم ایسا ہے جو ظلم کرنے والوںکوسپورٹ کرتاہے اچھا ہے تو اپنے سر لیا جاتا ہے براہے تو وزیراعظم کوذمہ دار ٹھہرایا جاتا ہے۔
