لاہور( این این آئی)کالعدم جماعت کے احتجاج کے باعث گزشتہ روز بھی کئی مسافر ٹرینیں معطل کر دی گئیں جس کی وجہ سے مسافروںکو شدید مشکلات کا سامنا رہا۔ریلوے ترجمان کے مطابق پشاور، راولپنڈی سے لاہور آنے اور جانے والی ٹرینوں کو براستہ جنڈ، بسال، کندیاں، سرگودھا، سانگلہ ہل، شیخوپورہ، لاہور روانہ کیا گیا ۔ ترجمان کے مطابق سبک خرام ،اسلام آباد ایکسپریس ،راول ایکسپریس کوگزشتہ روز بھی
دونوں اطراف سے معطل رکھا گیا ۔ پشاور سے کوئٹہ جانے والی جعفرایکسپریس کوپشاور اور لاہور کے درمیان ،پشاور سے کراچی جانے والی خیبرمیل کوپشاور اور لاہور کے درمیان ،گرین لائن کوراولپنڈی اور لاہور کے درمیان اورتیزگام ایکسپریس کو راولپنڈی اور لاہور کے درمیان معطل رکھا گیا۔ ترجمان کے مطابقسسٹم پر چلنے والی باقی تمام ٹرینیں اپنے اپنے معمول اور روٹ کے مطابق چل رہی ہیں۔
