اسلام آباد (این این پی)وزیراعلی سندھ مراد علی شاہ نے کرونا وائرس کے پھیلاؤ پروفاقی حکومت خوب آڑے ہاتھوں لیتے ہوئے کہا ہے کہ جب سندھ میں لاک ڈاؤن اور تعلیمی ادارے بند کرنے کا فیصلہ کیا گیا تو تنقید کی گئی آج پنجاب اور وفاقی حکومتوں نے تعلیمی ادارے بند کردیئے، کورونا کی وبا بہت پھیل گئی تھی، حکومت سندھ نے ایک ہفتہ لاک ڈاؤن کیا تو اللہ کا کرم ہوا،لوگوں کے
تعاون اور ایس او پیز پر عمل سے کورونا کے پھیلاؤ کی شرح میں کمی آئی۔ اسلام آباد کی احتساب عدالت میں نوری آباد پاور پلانٹ میں مبینہ خرد برد سے متعلق کیس کی سماعت کے بعد میڈیا سے گفتگو کرتے ہوئے وزیر اعلیٰ سندھ مراد علی شاہ نے کرونا وائرس کے پھیلاؤ پروفاقی حکومت خوب آڑے ہاتھوں لیتے ہوئے کہا سندھ حکومت جب اقدامات کر رہی تھی تو شدید اقدامات کا سامنا کرنا پڑا تھا۔پاکستان کو ابھی تک برطانیہ کی ریڈ لسٹ سے نہیں نکالا گیا۔۔ ہم پر جن اقدامات کی وجہ سے تنقید کی گئی وہی اقدامات وفاق اور پنجاب میں کیے جارہے ہیں۔ کراچی سمیت سندھ بھر میں کرونا وائرس کی کم شرح کا دعویٰ بھی کرڈالا۔وزیر اعلیٰ سندھ نے کہاکہ چھ ستمبر کے حوالے سے ہمیشہ یوم دفاع کی تقریب میں ہوتا ہوں، آج عدالتی سمن پر یہاں کورٹ آیا ہوں۔ریفرنس میں 66والیوم ہیں جس میں سے چار والیوم فراہم ہی نہیں کیے گئے۔وزیر اعلیٰ سندھ مراد علی شاہ نے کہاکہ این سی او سی کے دائرہ کار میں رہتے ہوئے فیصلے کرتے اور کوئی بھی بات پوشیدہ نہیں رکھتے۔
