سرگودھا(این این آئی)سرگودھا میں تحریک انصاف کی تین سالہ حکومتی کارکردگی میں بنیادی سہولیات سے محروم عوام نے اپنی مدد آپ کے تحت کاموں کا آغاز کر دیا۔
زرائع کے مطابق تحریک انصاف کی حکومت کی تین سالہ کارکردگی سے مایوس عوام نے سرگودھا میں اپنی مدد آپ کے تحت کاموں کا آغاز کر دیا جس میں سرگودھا شہر کے صوبائی حلقہ پی پی 78 کے علاقہ نیو سیٹلائٹ ٹاون ڈبلیو بلاک کے رہائشوں نے ویلفئیر کونسل تشکیل دی اور اہل علاقہ نے از خود رقوم اکٹھی کر کے اپنی مدد آپ کے تحت پہلے مرحلہ میں گلیوں میں ٹف ٹائل کا کام شروع کروا دیا جن کا کہنا تھا کہ جنرل الیکشن میں گلیوں کی تعمیرات،نکاسی اب اور فراہمی آب کی بنیادی سہولیات مہیا کرنے کے وعدے کر کے پی ٹی آئی نے ووٹ حاصل کئے اور گزشتہ تین سال کی کارکردگی میں مایوسی کے سوا کچھ نہیں دیا اور مہنگائی کی جس چکی میں کچل رکھا ہے اب ہم کسی کو ووٹ نہیں دیں گے اور اپنے بنیادی مسائل اپنی مدد آپ کے تحت حل کرنے کا عزم لئے ہوئے ہیں۔
