لاہور( این این آئی)نوجوانوں کے امورکے بارے میں وزیراعظم کے معاون خصوصی محمد عثمان ڈار نے کہا ہے کہ حکومت نے کامیاب جوان پروگرام کی نوجوان کاروبار سکیم کے تحت اب تک 17ہزار کاروبار کرنے والوں میں 20 ارب روپے کے آسان قرضے تقسیم کیے ہیں۔ایک بیان میں انہوں نے کہا کہ ملک بھرمیں یکساں بنیادوں پر نوجوانوں کو وسائل کی فراہمی کے لئے ہر ممکن کوششیں کی جارہی ہیں۔معاون خصوصی عثمان ڈار نے کہا کہ وزیراعظم عمران خان کے وژن کے مطابق خواتین کو بااختیار بنانے کے لئے ٹھوس کوششیں کی جارہی ہیں۔