لاہور(پریس ریلیز) ایم او یو پر ایچ ای ڈی کی جانب سے سپیشل سیکرٹری  نعیم غوث اور بیسپ کی جانب سے ڈائریکٹر جنرل (سی سی ٹی) نوید اکبر نے دستخط کئے گئے۔  صوبائی وزیر برائے ہائیر ایجوکیشن راجہ یاسر ہمایوں سرفراز کی زیر نگرانی ایم او یو پر دستخط ہوئے۔ اس موقع پر سپیشل سیکرٹری   ایچ ای ڈی نعیم غوث کا کہنا تھا کہ اس پروگرام  کے تحت گرانٹ کے اہل خاندانوں کے بچے سرکاری کالجز میں با قاعدہ تعلیم حاصل کرسکیں گے۔ انٹر لیول  پر ضرورت مند طلبا کیلئے  تعلیم کے فروغ کا یہ باہمی اشتراک کا  پروگرام انتہائی مفید ثابت ہوگا۔ ایچ ای ڈی اور بیسپ کے درمیان ہونے والے اس ایم او یو سے  رجسٹرڈ مستحق فیملیز کے انٹر کے طلبا مستفید ہوسکیں گے۔ ایم او یو میں کو رسپانس رسپانسیبیلیٹی ٹرانسفر کے طریقہ کار وضع کیا گیا ہے۔ ایچ ای ڈی پنجاب  ان مستحق طلبا کے سرکاری کالجز میں  داخلوں میں معاونت فراہم کرے گا۔ اس ایم او یو کے تحت دونوں محکموں کے اشتراک سے ایم آئی ایس ڈیش بورڈ بھی بنایا جائے گا۔اس دوران پروگرام کو مزید منظم بنانے کیلئے اساتذہ اور کالج فیکلٹی کی ٹریننگ کا اہتمام بھی کیا جائے گا اور  ایچ ای ڈی اپنے ان مستحق طلبا کی فلاح یقینی بنانے کیلئے حاضری سمیت دیگر معلومات کواٹرلی بنیادوں پر بیسپ سے شئیر کرے گا۔