کراچی(این این آئی)گورنر سندھ عمران اسماعیل نے کہاہے کہ وزیراعظم عمران خان جب بھی کراچی آتے ہیں تو سب کو ایئرپورٹ آنے سے منع کرتے ہیں۔نجی ٹی وی پروگرام میں گفتگو کرتے ہوئے عمران اسماعیل نے کہاکہ اگر وزیراعلی سندھ کی خوشی ایئرپورٹ آنے میں ہی ہے تو میں وزیراعظم سے درخواست کروں گا کہ انہیں ضرور بلالیا کریں، چاہے ہمیں بلائیں یا نہ بلائیں۔انہوں نے کہا کہ مرتضی وہاب کا بطور ایڈمنسٹریٹر تقرر منظور نہیںلیکن اس کی وجہ سے کراچی کے ترقیاتی کام متاثر ہونے نہیں دیں گے۔گورنر سندھ نے کہاکہ کراچی کے مسائل کا حل بلدیاتی انتخابات میں ہے۔