لاہور(این این آئی)پنجاب کے وزراء، مشیر اور پارلیمانی سیکرٹریز کی تنخواہوں اور الاؤنسز میں 2 کروڑ 21 لاکھ روپے کا اضافہ کر دیا گیا۔ایک نجی ٹی وی کے مطابق وزراء، مشیراور پارلیمانی سیکرٹریزکی تنخواہوں میں 1 کروڑ 13 لاکھ 80 ہزار روپے جبکہ ہاؤس رینٹ ویوٹیلیٹی الایونسز کی مد میں 1 کروڑ 7 لاکھ 38 ہزار کا اضافہ کردیا گیا ہے۔ دستاویزات کے مطابق پنجاب کے ایک

وزیر پر تنخواہ اور الاؤنسز پر سالانہ 25 لاکھ روپے خرچ ہوں گے۔ پنجاب میں وزرا ء کی بنیادی تنخواہ میں 55 لاکھ روپے تک اضافہ کیا گیا۔ پنجاب میں پارلیمانی سیکرٹریز کی بنیادی تنخواہ میں 45 لاکھ روپے تک اضافہ کیا گیا ہے۔ وزراء، مشیر اور پارلیمانی سیکرٹریزکو 1 کروڑروپے کی فون کالز کی اجازت ہو گی جبکہ پیٹرول اوردیگر سٹاف سے متعلقہ اخراجات اس کے علاوہ ہیں۔

موضوعات:الاؤنسز میں بڑا اضافہ