اسلام آباد(مانیٹرنگ ڈیسک)صوبائی دارالحکومت لاہور کے علاقے غازی آباد میں دو سالہ بچے کی قاتل چچی نکلی۔تفصیلات کے مطابق چند دن قبل لاہور میں دو سالہ بچے کو بے دردی سے قتل کر دیا گیا تھا۔کافی تگ و دو کے بعد اب
پولیس بچے کے قاتل کو ڈھونڈنے میں کامیاب ہو چکی ہے۔میڈیا رپورٹس کے مطابق اس کیس کا مختلف پہلوئوں سے جائزہ لیا گیا۔جس کے بعد یہ بات سامنے آئی کہ دو سالہ بچے کو اپنی ہی چچی نے موت کے گھاٹ اتارا۔پولیس نے ملزمہ کو گرفتار کر لیا ہے۔ملزمہ سندس نے تفتیش کے دوران جرم قبول کرلیا ہے۔ملزمہ نے پولیس کو بتایا کہ سارے رشتے دار شایان کو محبت کرتے تھے میرے بچے سے کوئی محبت نہیں کرتا تھا،اسی بنا پر بچے کو قتل کیا اور لاش چھت سے نیچے پھینک دی ۔ پولیس کے مطابق ملزمہ نے حسد کی وجہ سے بچے کو قتل کیا،پہلے بچے کو گلا دبا کر مارا اور پھرنیچے پھینک دیا۔ملزمہ کے اعتراف کے بعد قتل میں معاونت کے شبے پر مزید تفتیش جاری ہے۔
