کراچی (آن لائن)قومی اسمبلی ک حلقہ این اے 249میں ضمنی الیکشن کے موقع پر رینجرز نے کارروائی کی اور پریزائیڈنگ افسر کو فائل میں نوٹوں کا لفافہ دینے والے والے شخص کو گرفتار حراست میں لے لیا،ذرائع کا دعویٰ ہے کہ زیر حراست شخص فائلوں کے زریعے نوٹوں کا لفافہ پریزائیڈنگ افسر کو دے رہا تھا، کارروائی میں دو افراد کو حراست میں لیا گیا ہے، فوری طور پر گرفتار
افراد کی سیاسی وابستگی ظاہر نہیں کی گئی ہے۔این اے 249 کے ضمنی الیکشن کے موقع پر بلدیہ چوبیس مارکیٹ میں سادہ لباس مسلح افراد موجود رہے،جس کی ویڈیو بھی سوشل میڈیا پر وائرل کردی گئی، ویڈیو میں دیکھا جاسکتا ہے کہ سادہ لباس شخص کے ہاتھ میں ہتھیار موجود ہیں جبکہ الیکشن کمیشن کی جانب سے پولنگ اسٹیشنز کے باہریا قریب اسلحے کی نمائش پر پابندی ہے۔
