چنیوٹ ( آن لائن ) صوبہ پنجاب کے شہر چنیوٹ میں شہریوں سے فراڈ کرنے والا جعلی پولیس اہلکار اصلی پولیس کے ہتھے چڑھ گیا۔ تفصیلات کے مطابق پولیس کی جانب سے چنیوٹ کے علاقے احمد نگر میں کارروائی عمل میں لائی گئی ، جس کے نتیجے میں ایک جعلی پولیس اہلکار کو گرفتار کیا گیا۔ بتایا گیا ہے کہ ملزم خود کو پولیس اہلکار ظاہر کر کے

شہریوں سے فراڈ کی متعدد وارداتوں میں ملوث ہے ، اس مقصد کے لیے بنائی گئی پولیس یونیفارم بھی ملزم کے قبضے سے برآمد ہوئی ، گرفتاری کے بعد پولیس نے ملزم کے خلاف جعل سازی کی دفعات کے تحت مقدمہ درج کر لیا۔دوسری طرف بھارتی اداکار فیروز جعفری کو لاک ڈائون کے دوران جعلی پولیس افسر بن کر شہریوں کو لوٹنے پر گرفتار کرلیا گیا ، ممبئی کرائم برانچ کے مطابق ٹی وی اداکار فیروز جعفری نے بھارت کی مختلف ریاستوں میں بزرگ شہریوں کو دھوکہ دہی اور فراڈ کے ذریعے لوٹا ہے تاہم 64 سالہ خاتون کی شکایت پر انہیں دھر لیا گیا۔گرفتاری کے بعد ٹی وی اداکار نے تفتیش میں انکشاف کیا کہ کورونا میں لاک ڈائون کے دوران کام نہیں تھا لہٰذا پیٹ پوجا کے لیے یہی کام سب سے آسان لگا۔خاتون نے شکایت درج کرائی کہ ملزم فیروز خان نے پولیس افسر کی حیثیت سے ملاقات کی اور تحقیقات کا کہہ کر سارے زیورات اتروالیے اور انہیں اخبار میں لپیٹ کر اپنے پاس رکھ لیا تاہم کچھ دیر تک باتوں میں الجھانے

کے بعد جب اخبار واپس کیا تو اس میں پتھر موجود تھے۔ خاتون کی درخواست پر پولیس نے مقدمہ درج کرکے سی سی ٹی وی فوٹیج کی مدد سے ملزم کی شناخت کی اور اسے ممبئی کے علاقے اندھیری ویسٹ سے گرفتار کرلیا ، گرفتاری کے بعد ٹی وی اداکار نے تفتیش میں انکشاف کیا

کہ کورونا میں لاک ڈاوئون کے دوران کام نہیں تھا اور پیٹ بھرنے کیلئے دھوکا دہی کی کوشش کی ، فیروز جعفری نے بھارتی ٹی وی ڈراموں اور فلموں میں اداکاری کے جوہر دکھائے ہیں جب کہ متعدد شوز میں انہوں نے پولیس افسر کا ہی کردار ادا کیا ہے۔