اسلام آباد (مانیٹرنگ ڈیسک )نجی ٹی وی پروگرام میں سینئر تجزیہ کار رئوف کلاسرا نے کہا ہے کہ راجہ ریاض نے جہانگیر ترین کو سردار بنا لیا ہے جبکہ ادھر عمران خان کے اپنے بھی 2 سردار ہیں ۔ یہ لڑائی اصل میں معذرت کیساتھ پٹھانوں کے درمیان ہو رہی ہے ، ایک سرائیکی پٹھان اور دوسرے پشتو پٹھان ہیں ۔پشتوپٹھان خود کو طاقتور سمجھتے ہیں کیونکہ وہ پشتو بولتے ہیں ،

دوسرے سرائیکی پٹھان ہیں جو کہ لوکل ہو گئے ہیں ان کی نسلیں یہاں پروان چڑھ چکی ہیں ۔ انکا کہنا تھا کہ پشتون پٹھان سرائیکی پٹھانوں کو چھوٹے بچوں کی طرح ٹریٹ کررہے ہیں ۔ پشتون پٹھان آج بھی سرائیکی پٹھانوں کو کوئی خاص اہمیت نہیں دیتے جو اسلام آباد میں آکر بیٹھے تھےپتہ نہیں انہوں نے عمران خان صاحب سے کیسے برداشت کیا کیونکہ وہ پشتو پٹھان تو نہیں وہ تو نیازی پٹھان ہیں۔ دوسری جانب تحریک انصاف کے رہنما جہانگیر ترین کو 70 ارکان صوبائی و قومی اسمبلی کی حمایت حاصل ہونے کا انکشاف، میڈیا ذرائع کا کہنا ہے کہ جہانگیر ترین کے ہم خیال گروپ نے وزیراعظم سے ملاقات نہ ہونے کی صورت میں آئندہ کے لائحہ عمل پر مشاورت کا آغاز کر دیا ہے، اس مشاورت میں بجٹ اجلاس میں حصہ نہ لینے کا معاملہ بھی شامل ہے، میڈیا ذرائع کے مطابق جہانگیر ترین کی جانب سے آئندہ کچھ دنوں میں پاور شو کیا جائے گا، انہیں ستر قومی و صوبائی اراکین اسمبلی کی حمایت حاصل ہو گئی ہے اور یہ تعداد مزید بڑھنے کا امکان ہے۔