اسلام آباد(آن لائن)اسلام آباد ہائیکورٹ نے سابق وزیر اعظم نواز شریف،مریم نواز اور کیپٹن(ر)صفدر کی احتساب عدالت سے سزاؤں کے خلاف اپیلیں جبکہ فلیگ شپ ریفرنس میں نواز شریف کی احتساب عدالت سے بریت کے خلاف نیب اپیل سماعت کے لیے مقرر کردیں
جسٹس عامر فاروق اور جسٹس محسن اختر کیانی پر مشتمل بنچ 28 اپریل کو سماعت کرے گا۔تمام اپیلوں کو یکجا کر کے اسلام آباد ہائی کورٹ میں سماعت کے لیے مقرر کیا گیا ہے، یاد رہے کہ ایون فیلڈ ریفرنس میں احتساب عدالت کے جج محمد بشیر کی عدالت نے نواز شریف ، مریم نواز اور کیپٹن ریٹائرڈ صفدر کوقید اورجرمانے کی سزاؤں کا فیصلہ سنایا تھا، العزیزیہ ریفرنس میں نواز شریف اور سزا سنائی گئی جبکہ فلیگ شپ ریفرنس میں بری کیا گیا تھا،نواز شریف نے العزیزیہ ریفرنس میں سزا کے فیصلے کو چیلنج کر رکھا ہیجبکہ نیب نے العزیزیہ سٹیل ملز اور فلیگ شپ ریفرنس کے دونوں عدالتی فیصلوں کو چیلنج کیا،نیب نے فلیگ شپ ریفرنس میں نواز شریف کی بریت کے خلاف جبکہ العزیزیہ سٹیل ملز ریفرنس میں بوا شریف کی سزا بڑھانے کی اپیل دائر کررکھی ہے۔
