عبدالحکیم ( این این آئی) پیار ہو تو ایسا ہو محبت ہو تو ایسی ہو خاوند کو دفنانے سے ایک گھنٹہ قبل بیوی بھی چل بسی ۔تفصیل کے مطابق عبدالحکیم کے نواحی علاقہ چکنمبر 775 گ ب کا رہائشی 60 سالہ بزرگ قادر بخش کمہار جو کہ طویل عرصہ تک علیل رہنے کے بعد خالق
حقیقی سے جا ملا گھر والے اپنے بزرگ کی تدفین کی تیاری میں مصروف تھے کہ غم سے نڈھال قادر بخش کی بیوی بھی جہان فانی سے کوچ کر گئی اہل علاقہ جب قادر بخش مرحوم کے نماز جنازہ میں شرکت کیلئے پہنچے تو علم ہوا کہ اب شام تین بجے میاں بیوی کا اکٹھا جنازہ ہو گا دونوں میاں بیوی کے اکٹھے جنازے اٹھنے پر علاقہ بھر میں کہرام مچ گیا ہر آنکھ اشکبار ہو گئی نماز جنازہ میں رقت آمیز مناظر تھے نماز جنازہ علاقہ کے معروف خطیب مولانا گل محمد نے پڑھائی دونوں میاں بیوی کو آہوں اور سسکیوں کے ساتھ سپرد خاک کر دیا گیا نماز جنازہ میں علاقہ بھر کی معروف سیاسی سماجی شخصیات سمیت ہر طبقہ فکر کے افراد نے کثیر تعداد میں شرکت کی ۔
