لاہور(مانیٹرنگ ڈیسک) سینئر تجزیہ کار ہارون الرشید نے کہاہے کہ اگر بڑے بھائی پیچھے ہٹ گئے تو خطرہ ہے کہ قومی اورنہ ہی پنجاب اسمبلی میں بجٹ پاس ہوگا لیکن کب تک وہ مدد کرتے رہیں گے ۔ اگر بجٹ پاس نہ ہوا تو حکومت ختم ہوجائے گی۔ اب ق لیگ اور ایم کیوایم بھی مزید وزارتیں مانگ رہی ہیں۔ جہانگیرترین کو میرے خیال میں روکا جائے گا صلح کرائی جائے گی۔
سینئر تجزیہ کار ہارون الرشید نے کہاہے ڈسکہ میں دھاندلی یہ تھی کہ فائرنگ کی گئی جس کی وجہ سے لوگ ووٹ کیلئے باہر نہیں نکلے ۔ انہوں نے کہا اسجد ملہی کے حوالے سے پتہ چلا وہ تو حلقے میں رہتے ہی نہیں ، وہ تو لاہور میں رہتے ہیں ۔ ان کے بارے میں کہا جاتاہے وہ برگر فیملی ہیں۔اصل بات یہ ہے پی ٹی آئی کی الیکشن کی حکمت عملی اور امیدوار کا چنائو ہی غلط تھا۔ پی پی کا رابطہ حمزہ شہبازسے ہے ، پی پی اور ن لیگ کے رابطے بحال نہیں ہوئے ۔ ن لیگ کا ایک گروپ کہتا ہے تصادم سے بچناچاہئے اور معاملات کو افہام وتفہیم سے چلایاجائے لیکن یہ بات نواز شریف اور ان کی بیٹی کو نہیں سمجھائی جاسکتی۔ انکا کہنا تھا کہ چین کے انسداد وبائی امراض کے ادارے کے ڈائریکٹر گائو فو نے اعتراف کیا ہے چین کی دونوں ویکسین سائنو فارم اور سائنو ویک زیادہ موثر نہیں ۔ یہ آواز پہلے برازیل سے اٹھی تھی ۔ باقی ویکسین کے بارے میں بھی یہ کہا جارہا ہے کہ کوئی 70 اورکوئی 80 فیصد موثرہے ۔سائنسی میدان میں ابھی تک چین نے اتنی ترقی نہیں کی ۔ میرے خیال میں برطانوی سائنسدان زیادہ کامیاب رہے جن کی بنائی ویکسین 97 فیصد تک موثر ہے ۔
