اسلام آباد( آن لائن ) پاکستان تحریک انصاف کے رہنما اور رکن قومی اسمبلی فرخ حبیب نے کہا ہے کہ فضل الرحما ن صاحب کے لئے یہ پیزا کھانے یا چائے پینے کا وقت نہیں بلکہ رسیدیں جمع کروانے کا وقت ہے۔، الیکشن کمیشن آئینی ذمہ داری کو پوری کرتے ہوئے یوسف رضا گیلانی کے خلاف کیس کا جلد فیصلہ جاری کرے۔ ڈسکہ الیکشن سے اپوزیشن کو بھاگنے نہیں دیں گے۔

پیر کو اسلام آباد میں میڈیاسے گفتگو کرتے ہوئے فرخ حبیب کا کہنا تھا کہ جو مقدمہ الیکشن کے عمل کو شفاف بنانے کے لئے عمران خان نے شروع کیا ہے اس کوہم منطقی انجام تک پہنچائیں گے، الیکشن کمیشن کو چاہئے کہ آئینی ذمہ داری کو پوری کرتے ہوئے یوسف رضا گیلانی کے خلاف کیس کا جلد فیصلہ جاری کرے۔ انکا کہنا تھاکہ چوبیس جماعتوں کو فنڈنگ کیس کے اندر نوٹس جاری ہوئے ہیں، جن میں جمعیت علمائ اسلام (ف) بھی شامل ہے۔مولانا فضل الرحمان لیبیا کے سابق صدر معمر قذافی سے پیسے لیتے رہے ہیں،انہوں نے غیر ملکیوں سے بھی پیسے لے کر ڈیر ہ اسماعیل خان اور چک شہزاد کی جائیدادیں بنا لی ہیں،ان کوپتا ہوناچاہئیے کے سیاسی پارٹیوں کے آرڈر 2003کی شق 63یہ پابند بناتی ہے کہ تمام جماعتیں اپنے اخراجات الیکشن کمیشن میں جمع کروانے کی پابند ہیں اور الیکشن کمیشن نے ان کی سکروٹنی کرنی ہے۔2017میں سپریم کو رٹ حنیف عباسی کے کیس میں واضح ہدایات دے چکا ہے کہ الیکشن کمیشن نے تمام سیاسی جماعتوں کے پانچ سالہ اکائونٹس کی جانچ پڑتا ل کرنی ہے۔