فیصل آباد(آن لائن) پاکستان مسلم لیگ ن کے مرکزی رہنما سابق میئر فیصل آباد چوہدری شیر علی نے کہا ہے کہ فارن فنڈنگ کیس میں ملوث سلیکٹڈ وزیر اعظم عمران خان کو اور برداشت کیا تو یہ ملک خدا نخواستہ ختم ہو جائیگا انہوں نے کہا کہ الیکشن کمیشن کوفارن فنڈنگ کیس میں
سلیکٹڈ وزیر اعظم عمران خان کے گلے میں پھنسی ہڈی نکالنا چاہیئے انہوں نے کہا کہ بجلی ،گیس ، پٹرولیم مصنوعات اور اشیائے خورد ونوش آٹے،چینی ،گھی، دالیںانڈے گوشت کی قیمتوں میںاضافہ اورمہنگائی سے عوام کی چیخیں نکلوانے والوں کی چیخیں اب آسمانوں پر سنی جا رہی ہیں لیکن ادارے خاموش ہیں چوہدری شیر علی نے کہا کہ کل جو یہ کہتا تھا کہ پہلے احتساب وزیر اعظم کا پھر اسکے وزراء کا ہوگا آج وہ اور اسکی ناجائز کابینہ ڈپریشن کا شکار ہے اور اور ایسی باتیں کررہے ہیں جو کوئی پاگل بھی نہیں کرتا انہوں نے کہا کہ حکومت کی پریشانی بتا رہی ہے کہ اپوزیشن کی چوٹ نشانے پر لگی ہے زخم چاٹتے ہوئے حکومت الیکشن کمیشن کو دبائو میںلانے کی مذموم کوشش کر رہی ہے ۔انہوں نے کہا کہ ملک میںاقتصادی زوال اور معاشی انحطاط کی بڑی وجہ توانائی کا بحران، گیس کی کمی، بجلی و گیس اور پٹرولیم مصنوعات کی قیمتوں میں اضافہ کے ساتھ ساتھ کاروباری شعبے کو فروغ نہ دینا ہے نااہل و ناکام حکمرانوں کامسائل پر قابو نہ پانا اور ملک کی ترقی کے دعوے کرنا دھوکہ ہیں
