اسلام آباد (مانیٹرنگ ڈیسک /آن لائن)سینٹ چیئرمین کا انتخاب ، صادق سنجرانی کو بڑی حمایت حاصل ہو گئی ۔ اپوزيشن کے7سينيٹرز نےحمايت کا يقين دلاديا ۔ تفصیلات کے مطابق صادق سنجرانی کی حمایت کرنے والے ممبران میں 4 کا تعلق پاکستان مسلم لیگ ن سے ہے جبکہ باقی تین کا تعلق کی چھوٹی پارٹیوں سے ہے ۔ معروف صحافی نے سماجی رابطے کی
ویب سائٹ ٹویٹرپر اپنے پیغام میں کہا ہے کہ ’’صادق سنجراني کو اپوزيشن کے7سينيٹرز نےحمايت کا يقين دلاديا جن ميں4 نون ليگ اور3چھوٹي جماعتوں سےہيں۔انکا مزید کہنا تھا کہ سنجراني نے ان سينيٹرز کےکئي معاملات طےکروائےتھےتحريک عدم اعتماد ميں بھي يہ سينيٹرز صادق سنجراني کوووٹ دےچکےہيں،ان سينيٹرز پرمتعلقہ پارٹيوں کےسربراہوں کي بھي نظريں جمی ہوئی ہیں ۔ دوسری جانب چیئرمین سینیٹ صادق سنجرانی کی ڈپٹی چیئرمین سینیٹ سلیم مانڈوی والا سے ملاقات کی جس میں ملکی مجموعی سیاسی صورتحال اور چیئرمین کے انتخاب پر تبادلہ خیال کیا گیا۔منگل کے روز اسلام آباد میں چیئرمین سینیٹ صادق سنجرانی نے ڈپٹی چیئرمین سینیٹ سلیم مانڈوی والا سے ملاقات کی ملاقات میں چیئرمین سینیٹ نے سلیم مانڈوی والا کو سینیٹر منتخب ہونے پر مبارک باد دی، اس موقع پر سینیٹر کہدہ بابر، مرزا آفریدی ،نصیب اللہ بازئی، عبدالقادر بھی موجود تھے۔ چیئرمین سینیٹ صادق سنجرانی نے سلیم مانڈوی والاسے ووٹ مانگا جس پر سلیم مانڈوی والانے کہا کہ آپکو پتا ہے کہ ہمارا اپنا امیدوار آپکے مقابلے میں آرہا ہے پھر بھی پارٹی سے مشاورت کے بعدجواب دوں گا ۔ اس موقع پر صادق سنجرانی نے کہا کہ میں چیئرمین سینیٹ کے امیدوار کی حیثیت سے سب سے ووٹ مانگو گا اور یقین دہانی کرواتا ہو ں کہ سب کو ساتھ لے کر چلوں گا ۔
