اسلام آباد (مانیٹرنگ +این این آئی) وزیراعظم عمران خان نے قومی اسمبلی سے اعتماد کا ووٹ حاصل کر لیا ہے، اس حوالے سے وفاقی وزیر شیخ رشید احمد نے نجی ٹی وی سے گفتگو کرتے ہوئے انکشاف کیا کہ سینٹ الیکشن میں حکومتی امیدوار عبدالحفیظ شیخ کو ووٹ نہ دینے والوں نے وزیراعظم سے معافی مانگی ہے۔انہوں نے وزیراعظم سے کہا ہے کہ وہ انہیں معاف کر دیں۔ وفاقی وزیر داخلہ شیخ رشید احمد نے کہا ہے کہ اسٹیبلشمنٹ وزیرِ اعظم عمران خان کے ساتھ ہے۔ایک انٹرویومیں شیخ رشید احمد نے کہاکہ اسٹیبلشمنٹ کے دونوں حضرات سے ملاقات ہوئی ہے،

باجوہ صاحب کیالفاظ دہراتاہوں کہ جو بھی منتخب حکومت ہو گی پاک فوج اس کے ساتھ ہے۔انہوں نے کہا کہ آئین کے آرٹیکل کی ذیلی شق 7 بہت بڑا آرٹیکل ہے۔ انہوں نے کہاکہ اپوزیشن کو قومی اسمبلی کے اجلاس میں شریک ہونا چاہیے تھا۔وفاقی وزیر داخلہ شیخ رشید احمد نے کہا کہ لوگوں میں جرات ہونی چاہیے سر عام کہنا چاہئے کہ میں نے ووٹ نہیں دینا ہے۔انہوں نے کہاکہ یہ جمہوریت کا حسن ہے کہ عمران خان نے اعتماد کے ووٹ کے لیے اتنی جلدی فیصلہ کیا۔پاکستان تحریک انصاف کی خواتین پارلیمنٹ لابی میں وزیراعظم کے حق میں نعرے بازی کرتی رہیں۔ ہفتہ کو وزیر اعظم عمران خان نے قومی اسمبلی سے اعتماد کا ووٹ حاصل کیا اس دور ان خواتین پی ٹی آئی خواتین پارلیمنٹ لابی میں وزیراعظم کے حق میں نعرے بازی کرتی رہیں۔ وفاقی وزیر شیخ رشید احمد نے نجی ٹی وی سے گفتگو کرتے ہوئے انکشاف کیا کہ سینٹ الیکشن میں حکومتی امیدوار عبدالحفیظ شیخ کو ووٹ نہ دینے والوں نے وزیراعظم سے معافی مانگی ہے۔ انہوں نے وزیراعظم سے کہا ہے کہ وہ انہیں معاف کر دیں۔ وفاقی وزیر داخلہ شیخ رشید احمد نے کہا ہے کہ اسٹیبلشمنٹ وزیرِ اعظم عمران خان کے ساتھ ہے۔