راولپنڈی(این این آئی) اپنے ہی 11 سالہ بیٹے سے زیادتی کرنے والے درندہ صفت سفاک باپ کو پولیس نے گرفتار کرلیا۔میڈیا رپورٹ کے مطابق راولپنڈی کی تحصیل ٹیکسلا میں اپنے ہی 11 سالہ بیٹے سے زیادتی کرنے والے درندہ صفت سفاک باپ کو گرفتار کرلیا گیا۔ ملزم بابر کے خلاف کاروائی ایس ڈی پی او ٹیکسلا کی سربراہی میں ایس ایچ او ٹیکسلا اور ان کی ٹیم نے کی۔ایس ایچ او ٹیکسلا پولیس نے بتایا کہ متاثرہ بچے کی

والدہ کی مدعیت میں ملزم بابر کے خلاف مقدمہ درج کرلیا ہے، مدعیہ نے بیان دیا ہے کہ خاوند بابر نے گھر میں بیٹے کے ساتھ زیادتی کی، پولیس نے ملزم بابر کو گرفتار کرلیا ہے، ملزم اور متاثرہ بچے کا ابتدائی میڈیکل کروا لیا گیا ۔سی پی او راولپنڈی کے مطابق عورتوں اور بچوں کے ساتھ زیادتی ناقابل برداشت ہیں، ملزم کو قرارواقعی سزا دلوانے کے لئے تمام قانونی تقاضے پورے کئے جائیں گے۔