اسلام آباد(آن لائن ) آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ، سیکرٹری خالد چوہدری، اسٹیٹ ایجنٹس ایسوسی ایشن کے جنرل سیکریٹری چوہدری زاہد رفیق، ستارہ مارکیٹ کے صدر سید الطاف حسین شاہ، شہزاد عباسی، اسد عزیز، احمد خان، چوہدری عبدالغفار، عرفان چودھری اور راجہ خرم نیاز نے کہا ہے کہ وفاقی دارالحکومت میں پبلک ٹرانسپورٹ کا مسئلہ گھمبیر شکل اختیار کر چکا ہے وزیراعظم عمران خان، وفاقی وزیر منصوبہ بندی اسد عمر، وزیر اعظم کے معاون خصوصی علی نواز اعوان اور قائمہ کمیٹی

برائے داخلہ کے چیئرمین راجہ خرم نواز پشاور موڑ جی نائن سے بھارہ کہو براستہ آبپارہ مارکیٹ میٹرو بس کی تعمیر کے لئے اگلے مالی سال میں منصوبہ بندی کی ہدایات جاری کریں کیوں کہ یہ منصوبہ وقت کی اہم ضرورت ہے۔ انہوں نے مزید کہا کہ پشاور موڑ سے نیو ائیرپورٹ میٹروبس گزشتہ دو برس سے مکمل ہے یہ منصوبہ پیدل چلنے والے غریب اور اوسط درجے کے شہریوں کے لیے ہے اور اربوں روپے حکومت کے اس منصوبے پر لگ چکے ہیں انہوں نے اپیل کی کہ ایرپورٹ میٹرو بس کو فوری طور پر فنکشنل کیا جائے۔

موضوعات:میٹرو بس