اسلام آباد ( آن لائن ) سپریم کورٹ سینیٹ الیکشن اوپن بیلٹ سے کرا نے کیلئے صدارتی ریفرنس پر اپنی رائے آج سنائے گی اور اس حوالے سے سپریم کورٹ نے کاز لسٹ جاری کر دی ہے ۔ ٥ رکنی لارجر بنچ نے تمام فریقین کے دلائل مکمل ہونے پر جمعرات کو فیصلہ محفوظ کیا تھا ۔
اٹارنی جنرل، ایڈوکیٹ جنرل پنجاب،بلوچستان اور کے پی کے نے ریفرنس کے حق میں دلائل دیتے ہوئے یہ موقف اپنایا تھا کہ سینیٹ الیشکن اوپن بیلٹ کے ذریعے کروائے جاسکتے ہیں جبکہ الیکشن کمیشن، مسلم لیگ ن ، پیپلزپارٹی اور جے یو آئی ف نے ووپن بیلٹ کی مخالفت کرتے ہو ئے یہ موقف اپنا یا تا کہ بیلٹ پیپر کو اوپن نہیں کیا جا سکتا، الیکشن کمیشن کی جانب سے جاری کیئے گئے شیڈول کے مطابق سینیٹ الیکشن مارچ میں ہو نا ہیں۔ دریں اثناء سپریم کورٹ میں آئندہ ہفتے ٥بنچ مقدمات کی سماعت کریں گے ۔ جسٹس قاضی فائز عیسیٰ کسی بنچ میں شامل نہیں اہم مقدمات میں خورشید شاہ کیس،نایاب عمرانی کیس، جسٹس قاضی فائز عیسیٰ کیس شامل ہیں
