چترال (این این آئی)چترال میں نوجوانوں نے نایاب برفانی تیندوے کی جان بچالی۔چترال کی وادی ارکاری میں تیندوا پہاڑ سے گر کر زخمی ہوا تو نوجوان نے مرہم پٹی کرکے وائلڈ لائف کو اطلاع دی۔محکمہ وائلڈ لائف نے بتایا کہ نوجوانوں نے نایاب جانور کو ریسکیو کرکے پورا دن اس کا خیال رکھا۔بعد ازاں محکمہ وائلڈ لائف کی ٹیم نے موقع پر پہنچ کرتیندوے کو اپنی تحویل میں لے لیا۔وائلڈ لائف چترال کے مطابق پہاڑ سے گرنے کی وجہ سے تیندوے کو چوٹیں آئیں ہیں جسے علاج کے

لئے پشاور منتقل کردیا گیا ۔قبل ازیں تھرپارکر میں بھارت بارڈر کے قریب 8 افراد کو زخمی کرنے والے چیتے کو علاقہ مکینوں نے ہلاک کر دیا۔تھرپارکر اسلام کوٹ کے نواحی گاؤں سرنگھواری اور بھوتاڑو میں تیندوے نے حملہ کرکے 8 افراد کو زخمی کیا تھا۔تیندوے کے 8 افراد کو زخمی کرنے کے بعد علاقہ میں خوف و ہراس پھیل گیا تھا۔علاقہ مکینوں نے تیندوے کو ڈھونڈ کر ہلاک کردیا۔مقامی افراد نے بتایا کہ چیتا بھارت کا بارڈر پار کرکے پاکستان کی حدود میں آیا تھا۔

موضوعات:نایاب برفانی تیندوے