کراچی(این این آئی) کراچی کے علاقے کلفٹن میں بہو کی جانب سے ساس پر بہیمانہ تشدد کا معاملہ، ملزمہ افشاں کی ماں بلقیس بھی سنگین جرم میں شریک نکلی،تفتیشی پولیس نے گرفتار ملزمہ افشاں غلام علی کو جیل بھجوادیاجبکہ افشاں کی والدہ بلقیس کا نام بھی ایف آئی آر میں شامل ہے لیکن ملزمہ بلقیس نے ضمانت قبل از گرفتاری حاصل کرلی، تفتیشی افسر کے مطابق گھریلوملازمہ نے پولیس کو بیان دیا تھا کہ بلقیس بھی اپنی بیٹی کو اکساتی تھی ملزمہ بلقیس نے افشاں کو اکسایا تو وہ چھری

سے خاتون کا قتل کر رہی تھی کہ ملازمہ نے بمشکل قتل ہونے سے روکا، ملازمہ کے مطابق افشاں کہتی کہ میری ساس بوجھ ہے کب مرے گی، تشدد کا نشانہ بننے والی 70 سالہ معمر خاتون بیوہ ہیں۔افشاں کے شوہر نے اپنی بیوی افشاں کے خلاف والدہ پر تشدد کے میڈیکل دستاویزات بھی تفتیشی افسر کو جمع کرادی ہیں۔تفتیشی افسر نے بتایا کہ پولیس نے تشدد کی ویڈیو عدالت میں دیکھائی گئی تو خاتون ملزمہ کو جیل کسٹڈی کردیا،بہو نے اپنی ساس پر تشدد کا بھی تفتیش میں اعتراف کیا ہے۔