اسلام آباد (این این آئی)الیکشن کمیشن نے پنجاب، خیبرپختونخوا، کنٹونمنٹ بورڈز میں بلدیاتی انتخابات کی تاریخ دے دی۔الیکشن کمیشن کے مطابق خیبر پختونخوا میں مرحلہ وار انتخابات ہوں گے۔خیبرپختونخوا میں پہلے مرحلے میں 8 اپریل کو بلدیاتی انتخابات ہوں گے، دوسرے مرحلے
میں 29 مئی کو انتخابات ہوں گے۔ الیکشن کمیشن نے کہا ہے کہ پہلے مرحلے کا اعلان 12 فروری، دوسرے مرحلے کا 25 مارچ کو اعلان کیا جائیگا۔الیکشن کمیشن نے پنجاب میں تین مراحل میں انتخابات کرانے کا فیصلہ کیاہے ،پہلے مرحلے کا اعلان 12 اپریل، دوسرا 18 مئی کو کیا جائیگا۔الیکشن کمیشن کے مطابق پنجاب میں بلدیاتی انتخابات کا اعلان بھی مرحلہ وار کیا جائیگا، پنجاب میں پہلے مرحلے میں 20 جون کو بلدیاتی انتخابات ہوں گے،دوسرے مرحلے میں 16 جولائی کو بلدیاتی انتخابات ہوں گے،تیسرے مرحلے میں 8 اگست کو بلدیاتی انتخابات ہوں گے۔الیکشن کمیشن کے مطابق کنٹونمنٹ بورڈز میں بلدیاتی انتخابات 8 اپریل اور 29 مئی کو ہوں گے، کنٹونمنٹ بورڈز میں دوسرے مرحلے کا اعلان 25 مارچ کو ہو گا۔الیکشن کمیشن نے کہا ہے کہ سپریم کورٹ کی ہدایت کی روشنی میں الیکشن کمیشن کے دو اجلاس ہوئے،دونوں اجلاسوں کے منٹس بھی عدالت میں جمع کرا دیے ہیں۔الیکشن کمیشن کے مطابق سندھ اور بلوچستان میں بلدیاتی انتخابات کا معاملہ 11 فروری تک ملتوی کیا گیا ہے۔
