وہاڑی(این این آئی)آٹے کا دوبارہ اٹھتاہوابحران سنگین شکل اختیارکرنے لگا،شہری علاقوں میں آٹاکے حصول کیلئے اصل شناختی کارڈلازم قرارجبکہ دیہی علاقوں میں سپلائی بندہونے سے عوام پریشان ہے۔تفصیل کے مطابق محکمہ خوراک کے افسران اوراورضلعی انتظامیہ ضلع میں آٹاکے بحران سے یکسرانکاری ہیں لیکن حقیقت میں
دیہی اورشہری علاقوں میں آٹاکی دستیابی دن بدن بدترین صورتحال اختیارکرتی جا رہی ہے اس وقت ضرورتمندافرادآٹاکے حصول کیلئے مارے مارے پھررہے ہیں انتظامیہ اورمحکمہ فوڈکی طرف سے آٹاکی عام اوروافرمقدارمیں گندم دستیابی کے تمام دعوے جھوٹ اورفریب ثابت ہورہے ہیں کیونکہ کئی کئی روزتک عوام کوآٹانہیں ملتااگرکسی جگہ سے دستاب ہوبھی جائے توایک روزپہلے نام لکھواناپڑتاہے اگلے روزآٹا دیا جاتا ہے شہری علاقوں میں آٹاکے سیل پوائنٹ پراصل شناختی کارڈکی شرط عائدکردی گئی ہے دیہی علاقوں میں مزدورپیشہ لوگوں کیلئے آٹاکاحصول ناممکن بنادیاگیاہے شہریوں غلام رسول،عبدالرشید،اللہ دتہ صابر،عقیل احمد،ربنواز،غلام مجتبی،محمدعرفان،محمدآصف نے صحافیوں کوبتایاکہ صرف20تھیلے سیل پوائنٹ پرسفارشی لوگوں کودے دیئے جا تے ہیں باقی لوگ 2500روپے فی من آٹاخریدنے پرمجبورہیں جس سے لگتاہے کہ آٹابیرون ملک افغان بارڈرکے ذریعے سمگل کیاجارہاہے اورانہیں کوئی پوچھنے والانہیں ہے۔دوسری جانب ایڈوائزمنسٹری اوورسیز، پی ٹی آئی کے مرکزی رہنما نوید شر یف نے کہا ہے کہ”خزانہ چور“ سیا ست میں بھی جھو ٹے ثا بت ہو چکے ہیں، وقتی مہنگائی سے نمٹنے میں بہت جلد کامیاب ہو جائیں گے۔ جو پچھلی حکومتوں کی ناقص پالیسیوں اور انکی
بدعنوانیوں کا نتیجہ ہے۔انہو ں نے کہاکہ استعفیٰ استعفیٰ کی ر ٹ لگانے والے وزیراعظم عمران خان کی شر ط پوری کر یں اور استعفیٰ لے لیں، د سمبر کے بعد جنوری بھی گزرگیا ہے اپوز یشن نے استعفے دیئے نہ اپنے اتحاد کو بر قرار رکھ سکے ہیں۔ انہوں نے اپوزیشن پارٹیوں کو تنقید کا نشانہ بناتے ہوئے کہا کہ وزیراعظم عمران خان
کہا کرتے تھے کہ جب وہ ان چوروں پر ہاتھ ڈالیں گے تو یہ اپنی چوری چھپانے کیلئے اکٹھے ہوجائیں گے۔جو آج پی ڈی ایم کی شکل میں اکھٹے ہو گئے ہیں۔اپوزیشن جماعتوں کا ضمنی انتخابات میں پی ڈی ایم کے پلیٹ فارم سے مشترکہ امیدوار لانے کے مجوزہ فیصلے سے ثابت ہو گیا ہے کہ کوئی بھی اپوزیشن جماعت تنہا عمران خان اورتحریک انصاف کا مقابلہ نہیں کرسکتی۔
