بہائولنگر (این این آئی ) فورٹ عباس میں بیوٹی پارلر کی مالکہ نے دلہن تیار کرنے کے بہانے بیوٹیشن لڑکی کو ایک گھر بھجوایا جہاں اوباش نے اسے بے آبرو کر ڈالااور ساتھی کے ہمراہ ویڈیو بنا کر وائرل کر دی ،پولیس نے بیوٹی پارلر کی مالکہ اور دو ملزمان کے خلاف مقدمہ درج کر لیا، ملزمان کی تلاش کیلئے چھاپے جاری ہیں، واقعہ

کے بعد نازیبا ویڈیو بنا کر بلیک میلنگ کا ایک ہفتے میں دوسرا بڑا واقعہ سامنے آگیا ،بیوٹی پارلر کی مالکہ نے پارلر پر بیوٹیشن کا کام کرنے والی صائمہ کو دلہن تیار کرنے کے بہانے نعیم پارک کے قریب ایک گھر بھجوایا،گھر میں موجود طیب نے اسے بے آبرو کر دیا اور ایک ساتھی کی مدد سے ویڈیو بھی بنائی، پارلر میں کام چھوڑنے پر بلیک میل کرنا شروع کر دیا اور متعدد بار گھنائونے فعل کا نشانہ بنایا۔ متاثرہ صائمہ کی درخواست پر پولیس تھانہ فورٹ عباس نے بیوٹی پارلر کی مالک ہما، طیب نامی نوجوان اور ایک نامعلوم شخص کے خلاف مقدمہ درج کر لیا اور ملزمان کی تلاش شروع کردی ہے۔ پولیس کا کہنا ہے کہ میڈیکل رزلٹ کے بعد مزید کارروائی کی جائیگی۔دوسری جانب تھانہ سٹی اے ڈویژن پولیس نے کاررروائی کرتے ہوئے مغوی اسد عرف بابو کو لاہور سے برآمد کر کے والدین کے حوالے کر دیاگیا۔چند روز قبل بہاولنگر کے رہائشی شوکت علی نامی شخص نے بتایا کہ میرا بیٹا اسد المیزان ٹریڈر میں بطور ہیلپر کام کرتا ہے جو حسب معمول گھر سے 9.30 بجے دن پیدل کام کے لیے روانہ ہوا،11 بجے دن مالک المیزان ٹریڈر کی کال آئی کہ آپ کا بیٹا کام پر نہ آیا ہے فکر لاحق ہوئی رشتہ داروں سے پتہ کروایا جو کہ پتہ نا چل سکا جس پر والد نے نامعلوم الاسم ملزمان کے خلاف اپنے بیٹے اسد کے اغواء کی

FIR درج کروائی جس پر ڈسٹرکٹ پولیس آفیسر قدوس بیگ نے انسپکٹر ارشاد حیدر بخاری کی سربراہی میں فور ی ٹیم تشکیل دی۔ٹیم انچارج سب انسپکٹر عدنا ن علی نے جدید طریقہ تفتیش اور ٹیکنالوجی کی مدد سے اسد عرف بابو کو لاہور سے برآمد کر لیاجوکہ گھر والوں سے ناراض ہو کر اپنی مرضی سے روپوش ہوا تھا۔اس موقع پر ڈی

پی او نے تما م والدین کیلئے اپنے پیغام میں کہا کہ وہ اپنے بچوں سے دوستانہ ماحول رکھیں اور ان کی پریشانی کو فوراً حل کرنے کی کوشش کریں تاکہ اس طر ح کہ ناخوشگوار واقعات سے بچا جا سکے۔ڈسٹرکٹ پولیس آفیسر قدوس بیگ نے اس شاندار کارروائی پر پولیس ٹیم کو شاباش دی۔ ڈی پی او بہاولنگر نے مزید کہا کہ عوام الناس کے جان و مال کے تحفظ کیلئے بہاولنگر پولیس ہر وقت سر گرم عمل ہے۔