اسلام آباد (این این آئی)اسلام آباد ایئرپورٹ پر ایف آئی اے نے اسلام آباد سے برطانیہ جانے والے پائلٹ حراست میں لے لیا،پائلٹ کا نام مبینہ جعلی لائسنس کے اجراء کے مقدمے میں درج تھا،پائلٹ کو نجی ایئرلائن کے ذریعے کراچی بھیجا جائے گا ڈپٹی ڈی جی سی اے اے ریگولیٹری کی

جانب سے مبینہ جعلی لائسنس کے اجراء پر کراچی میں مقدمہ درج کیا گیا تھا،چند دن پہلے بھی ایک پائلٹ اور سی اے اے کے افسران کی گرفتاری عمل مین لائی گئی تھی‎ ایوی ایشن ذرائع کا کہنا ہے کہ گرفتار پائلٹ فہد کے پاس کمرشل پائلٹ لائسنس ہے لیکن وہ کسی ائیر لائن یا فلائنگ کلب کا ملازم نہیں ہے۔اس سے پہلے ایک پائلٹ کو کراچی میں بھی گرفتار کیا جا چکا ہے اور اب تک جعلی لائسنس کیس میں ایف آئی اے نے سی اے اے کے لائسنس برانچ کے 5 افسران سمیت 7 افراد کو گرفتار کیا ہے۔ایف آئی اے نے 3 ایف آئی آرز میں 40 پائلٹس، 8 سی اے اے افسران اور ایک پرائیوٹ فرد کو نامزد کررکھا ہے۔