کراچی (آن لائن)سندھ ایجوکیشن بورڈ نے کراچی سمیت صوبے میں میٹرک اور انٹرمیڈیٹ امتحانات کا دورانیہ کم کر دیا ہے۔سندھ ایجوکیشن بورڈ کی جانب سے اعلامیہ کے مطابق میٹرک اور انٹرمیڈیٹ تحریری امتحان کل دورانیہ 2گھنٹے ہوگا جبکہ معروضی سوالات کا دورانیہ 30 منٹ ہوگا۔میٹرک اور انٹرمیڈیٹ کے تحریری امتحانات کو 3 حصوں میں
تقسیم کیا گیا ہے۔ تحریری امتحان معروضی سوالات، طویل اور مختصر سوالات پر مشتمل ہوگا۔تحریری امتحان میں معروضی سوالات 50 فیصد اور مختصر سوالات 30 فیصد کے ہونگے جبکہ طویل سوالات 20 فیصد کے ہوں گے۔سندھ بورڈ کے اعلامیہ کے مطابق ڈیڑھ گھنٹے میں طویل اور مختصر سوالات کے جوابات لکھنے کی مہلت دی جائے گی
