اسلام آباد (آن لائن) برطانیہ سے  پاکستان سفر کرنے والوں کے لیے  پرائیویٹ کورونا  ٹیسٹ لازمی قرار دے دیا گیا ہے۔غیر ملکی خبر رساں ادارے کے مطابق ترجمان پی آئی اے بریڈفورڈ نے بتایا   این ایچ ایس کووڈ 19 ٹیسٹ قابل قبول نہیں ہو گا لہذا ہر مسافر کے لیے ضروری ہے کہ وہ اپنا پرائیویٹ کورونا ٹیسٹ کروائے۔دوسری جانب

برطانوی وزیر صحت میٹ ہینکاک کا کہنا ہے کہ  ساؤتھ افریقا کا وائرس زیادہ مہلک نہیں مگر اس پر قابو پانا ضروری ہے۔ادھر دبئی میں بھی  کورونا کے نئے ضوابط نافذ کر  دیے گئے ہیں، شاپنگ مالز اور ہوٹلز میں گنجائش سے  70 فیصد کی اجازت ہو گی جبکہ آسٹریا میں 8 فروری سے  لاک ڈاؤن میں نرمی کا اعلان کردیا گیا ہے۔