مظفرآباد(این این آئی) آزادکشمیر میں بھی کروڑوں روپے کے ٹیکس چوری کرنے بارے انڈین بیوی کے انکشافات ،اربوں پتی کیسے بنے ،میر یونس کے خلاف بڑے پیمانے پر تحقیقات شروع،نیب ،احتساب بیورو اور انٹر پول متحرک! معتبر ذرائع کے مطابق ممبر کشمیر کونسل میر یونس کے خلاف بڑے پیمانے پر تحقیقات کا عمل شروع

ہوگیا جس کی بڑی وجہ میر یونس کی جانب سے اپنے اثاثوں کی مالیت جو جمع کروائی گئی تھی اُس میں کروڑوں روپے کا گھپلا سامنے آیا ہے ،اثاثوں کی مالیت کم شو کرکے ٹیکس چوری کیا گیا ہے جبکہ میر یونس نے مسقط عمان میں انڈین خاتون سے شادی کی جو آج بھی نکاح میں ہے ،جبکہ میڈیا اور دیگر اداروں کو لولی پاپ دینے کیلئے طلاق کا بہانا کیا گیا تھا،2007ء کے بعد میر یونس اچانک ایک سپروائزر جس کی تنخواہ 200ریال تھی پاکستانی 60ہزار روپے لینے والا 43ارب سے زائد کا مالک کس طرح بن گیا جبکہ میٹرک کی سند بھی جعلی ثابت ہوگئی،آزادکشمیر میں گزشتہ 2سالوں سے میر یونس کے بارے میں تحقیقات کا عمل شروع کیا گیا تھا مگر کچھ وجوہات کی بناء پر آگے نہ بڑھ سکا جبکہ حالیہ پی ٹی آئی میں شمولیت کے وقت آڈیو لیکس ہونے کے بعد بڑے پیمانے پر انکشاف سامنے آئے جس کے بعد میر یونس کے خلاف بیرون ملک انٹرپول جبکہ پاکستان اور آزادکشمیر میں نیب اور احتساب بیورو تحقیقات شروع کرچکے ہیں ،بہت جلد مزید انکشاف کا امکان ظاہر کیا گیا ہے ۔  ممبر کشمیر کونسل میر یونس کے خلاف بڑے پیمانے پر تحقیقات کا عمل شروع ہوگیا جس کی بڑی وجہ میر یونس کی جانب سے اپنے اثاثوں کی مالیت جو جمع کروائی گئی تھی اُس میں کروڑوں روپے کا گھپلا سامنے آیا ہے