گوجرانوالہ (این این آئی)گوجرانوالہ میں جعلی پیر نے اسلحہ کے زور پر خاتون کو بے آبرو کر دیا۔گوجرانوالہ کے علاقے چھچھر والی کی رہائشی خاتون نے الزام لگایا کہ شوہر سے گھریلو ناچاقی ختم کرانے کے لیے وہ پیر کے پاس تعویذ لینے گئی تھی جہاں اس سے یہ فعل کیا گیا۔متاثرہ خاتون کی جانب سے درج کرائی گئی ایف آئی آر میں

بتایا گیا کہ جعلی پیر شفقت محمود عرف باباجی نے اسلحہ کے زور پر بے آبرو کیا اور وہ بہانوں سے 22 لاکھ روپے بھی لے چکا ہے۔پولیس کے مطابق خاتون کی درخواست پر مقدمہ درج کرکے تحقیقات شروع کردی گئی ہیں۔دوسری جانب اوچ شریف کے علاقے بستی جندو والی میں بارات لے کر گھر پہنچتے ہی دلہا دل کا دورہ پڑنے سے انتقال کرگیا۔ذرائع کے مطابق دلہا محمد اکبر بارات کے ہمراہ دلہن بیاہ کر گھر پہنچا ہی تھا کہ اسے دل کا دورہ پڑا جو جان لیوا ثابت ہوا۔دلہے کی لاش کو ضابطے کی کارروائی کے لیے ہسپتال منتقل کردیا گیا ہے۔واضح رہے کہ مانسہرہ میں 25سالہ نوجوان ٹریفک حادثہ میں جاں بحق ہوگیا جسے لبڑکوٹ میں سپرد خاک کردیاگیا۔باخبرذرائع سے حاصل ہونے والی اطلاعات کے مطابق 25 سالہ ھائی ایس ڈرائیور شاہ نذر ولد اخترساکنہ شڑھی بانڈہ گیسچ حال لبڑکوٹ مانسہرہ اسلام آباد چونگی نمبر26کے قریب ٹریفک حادثہ میں جاں بحق ھوگیا۔جس کوگزشتہ روز لبڑکوٹ مانسہرہ میں سپردخاک کردیاگیا۔ذرائع کے مطابق نوجوان جبوڑی مانسہرہ روٹ پرھائی ایس گاڑی چلاتاتھا۔گزشتہ روز سامان لانے کے لیئے جارہاتھا۔اسلام آباد میں چونگی نمبر 26 کے قریب اس کی گاڑی حادثے کا شکار ھوگئی۔جس سے یہ شدید زخمی ھوگیا۔جس کوتشویش ناک حالت میں ھسپتال پہنچانے کی کوشش کی گئی۔مگر ھسپتال پہنچانے سے قبل راستے میں ھی دم توڑ گیا۔