اسلام آباد (مانیٹرنگ ڈیسک) پیپلزپارٹی کے سینئر رہنما اور معروف قانون دان اعتزاز احسن نے ایک نجی ٹی وی چینل کے پروگرام میں گفتگو کرتے ہوئے کہا کہ تحریک انصاف کی حکومت چار ووٹوں پرکھڑی ہے، سینئر سیاسی رہنما نے کہا کہ وزیراعظم عمران خان کو نیچے اتارنے کا واحد طریقہ تحریک عدم اعتماد ہے لیکن ان کے
خلاف تحریک عدم اعتماد کے لئے بہت محنت کرنا پڑے گی، انہوں نے کہا کہ اگر دباؤ کے تحت ان سے استعفیٰ لیا گیا تو وہ سیاسی شہید بن جائیں گے۔ دوسری جانب پیپلزپارٹی پنجاب کے جنرل سیکرٹری چوہدری منظور احمد نے کہا ہے کہ ملک کیلئے فروری اورمارچ اہم مہینے ہیں، تینوں حکومتیں گریں گی۔نجی ٹی وی سے گفتگو کرتے ہوئے انہوں نے کہا کہ اس وقت سب سے موضوع آپشن تحریک عدم اعتماد ہے اور استعفوں کاآپشن آخری ہے۔انہوں نے کہا کہ مردم شماری کامعاملہ ایم کیوایم کی سیاست سے جڑا ہے، ایم کیوایم نے اب اپنی سیاست سے متعلق فیصلہ کرناہے اور حکومت کے اتحادی ساتھ چھوڑ بھی سکتے ہیں۔ پاکستان پیپلز پارٹی کی رہنما سینیٹر روبینہ خالد نے کہاہے کہ نالائق ٹولے نے خیبر پختون خوا کو265 ارب کا مقروض بنا دیا ہے۔ اپنے بیان میں روبینہ خالد نے کہاکہ نالائق ٹولے نے خیبر پختون خوا کو265 ارب کا مقروض بنا دیا ہے۔ انہوں نے کہاکہ خیبر پختون خوا کے عوام پوچھتے ہیں پیسہ کہاں جا رہا ہے۔ انہوں نے کہاکہ دل،جگر اور کینسر کے مریض مفت علاج کیلئے سندھ جا رہے ہیں۔سینیٹر روبینہ خالد نے کہا کہ خیبر پختون خوا میں مریضوں سے اسٹریچر اور ویل چیئر کا کرایہ وصول کیا جاتا ہے، شبلی فراز کو خیبر پختون خوا کی حالت دیکھ کر شرم نہیں آتی؟۔ انہوں نے کہاکہ صحت کارڈ محصوم عوام سے فراڈ ہے،سرکاری ہسپتالوں میں ڈسپرین کی گولی تک دستیاب نہیں ہے۔انہوں نے کہاکہ نالائق حکومت نے اسلام آباد کی ہسپتالوں کا بھی بیڑا غرق کردیا ہے۔
