ہفتہ‬‮ ، 15 مارچ‬‮ 2025 

پنجاب حکومت کی جانب سے قبضہ کی گئی اراضی واگزار کرنے پر مریم نواز کا کھوکھر برادران کے حق میں ٹوئٹ، سوشل میڈیا صارفین کا مریم نواز کے بیان پر شدید ردعمل

datetime 24  جنوری‬‮  2021
ہمارا واٹس ایپ چینل جوائن کریں

لاہور (مانیٹرنگ +این این آئی) مسلم لیگ (ن)کی نائب صدر مریم نواز نے کہا ہے کہ ایک قانون طاقت ور کے لئے جو بنی گالا کے ناجائز محل کو قانونی بنا دیتا ہے، دوسرا قانون مخالفین کے لئے جس کے شر سے اپوزیشن کے گھر محفوظ نہیں۔ نوازشریف کیساتھ وفا کے جرم میں انتقام کا نشانہ بننے والے ساتھیوں کو سلام پیش کرتی ہوں۔مریم

نواز نے کھرکھر پیلس پر انتظامیہ کے آپریشن کیخلاف اپنے ٹویٹ میں کہا کہ ظلم جب حد سے بڑھتا ہے تو مٹ جاتا ہے، نواز شریف کے ساتھ وفا کے جرم میں انتقام کا نشانہ بننے والے سب ساتھیوں کو سلام پیش کرتی ہوں۔کھوکھر برادران جماعت کا بہت بڑا سرمایہ ہیں۔ ظلم و انتقام کا سامنا کیا مگر نا پیچھے ہٹے نا ہی نواز شریف سے بیوفائی کی۔ مریم نواز نے کہا کہ ہر ظلم کا حساب ہوگا، کھوکھر برادران جماعت کا بہت بڑا سرمایہ ہیں۔ ظلم و انتقام کا سامنا کیا مگر نہ پیچھے ہٹے نہ ہی نواز شریف سے بیوفائی کی۔ کھوکھر برادران کے لئے شاباش ہے۔ مریم نواز کے اس ٹوئٹ پر ٹوئٹر صارفین شدید برہم ہو گئے، توصیف راجہ نامی صارف نے کہا کہ ہر فراڈیے اور ٹھگ کی سپورٹ میں آگے آگے ایک ہی عورت مریم نواز، خود بھی عدالت سے تصدیق یافتہ جھوٹی اور ٹھگ کو دو نمبر لوگ ہی پسند آتے ہیں، بلوچ بابا نامی صارف نے اپنے ٹوئٹ میں کہا کہ ظلم تو پاکستان کے ساتھ آپ لوگوں نے کیا۔ اکرم اعوان نامی صارف نے لکھا کہ انشاء اللہ یہ ظالم حکمران اقتدار کے ہوس میں پاگل ہو گیا ہے جبکہ عدالتوں نے سٹے آرڈر دیا ہوا تھا کہاں گیا قانون آج۔ سلمان نامی صارف نے اپنے ردعمل میں کہا کہ کھوکھر برادرز لاہور کے بدنام زمانہ قبضہ مافیا ہیں، چاہے آپ کی جماعت کے خلاف کیوں نہ ہو مگر کوئی بھی ایسا اصولی موقف نہیں اپنا

سکتا، آخری میں انتہائی نازیبا الفاظ بھی بول دیے۔ دوسری جانب مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ بزدار صاحب پنجاب نہیں آپ کے رشتے دار اورفرنٹ مین ترقی کر رہے ہیں،کب تک آپ اپنی سادگی اور شرافت کے ڈھونگ کے پیچھے چھپتے رہیں گے؟،جس شخص کوکوئی اینٹوں کے بھٹے پر

منشی نہ رکھے عمران خان نے اس کے حوالے پاکستان کا سب سے بڑا صوبہ کردیا ہے۔ اپنے بیان میں انہوں نے کہا کہ بزدار صاحب آپ نے کونسی دودھ اور شہد کی نہروں کی کھدائی کرائی ہے جن کے راستے میں پی ڈی ایم رکاوٹیں کررہی ہے،آپ باقاعدگی سے اپنی وٹس ایپ کلاسز لیں اور اپنی سرکار سے روزانہ دم درود کرایا کریں،آپ کے کچھ وزیر آپ کے خلاف سازشیں کررہے ہیں،ان کیلئے چلہ کاٹیں،پنجاب کے عوام آج شہبازشریف کی گڈ

گورننس اور مینجمنٹ کو یاد کررہے ہیں،عثمان بزدار نے اڑھائی سالوں میں پروٹوکول انجوائے کرنے کے علاوہ ایک گلی بھی مرمت نہیں کرائی۔ انہوں نے کہا کہ پیلس گرانے کی شدید مذمت کرتے ہیں،عدالت کے حکم امتناعی کے باوجود بزدار انتظامیہ نے کھوکھر پیلس گرایا،بزدار انتظامیہ توہین عدالت کے مرتکب ہوئی ہے،کھوکھر برادران کو نوازشریف کا ساتھ دینے کی سزا دی جارہی ہے،بزدل حکومت کی انتقامی کاروائیوں سے نوازشریف کے شیر گھبرانے والے نہیں۔

موضوعات:

آج کی سب سے زیادہ پڑھی جانے والی خبریں


کالم



سنبھلنے کے علاوہ


’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…

آپ کی تھوڑی سی مہربانی

اسٹیوجابز کے نام سے آپ واقف ہیں ‘ دنیا میں جہاں…

وزیراعظم

میں نے زندگی میں اس سے مہنگا کپڑا نہیں دیکھا تھا‘…

نارمل ملک

حکیم بابر میرے پرانے دوست ہیں‘ میرے ایک بزرگ…

وہ بے چاری بھوک سے مر گئی

آپ اگر اسلام آباد لاہور موٹروے سے چکوال انٹرچینج…

ازبکستان (مجموعی طور پر)

ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…