فیصل آباد( آن لائن )وفاقی پارلیمانی سیکریٹری ریلوے اور پاکستان تحریکِ انصاف (پی ٹی آئی) کے رہنما فرخ حبیب نے کہا ہے کہ مریم صفدر سرٹیفائیڈ جھوٹی ہیں انہیںچیلنج کرتا ہوں کہ اسرائیل سے فنڈنگ ثابت کریں۔براڈشیٹ مسلم لیگ نون اور آصف زرداری کی فراڈ شیٹ بنی ہوئی ہے ۔فارن فنڈنگ پر پی ڈی ایم کا شور شرابہ بلا جواز ہے
۔ وزیراعظم نے ان کی بال اٹھاکر باہر پھینک دی، آپ کے پارٹی اکاؤنٹس میں منی لانڈرنگ سے پیسہ آیا، یہ اپنا حساب دینے سے ڈر رہے ہیں لیکن ہم نے 40 ہزار ڈونرز کا ریکارڈ جمع کرایا۔فیصل آباد میں پریس کانفرنس کرتے ہو ئے فرخ حبیب نے کہا کہ اکبر ایس بابر کا نون لیگ سے گٹھ جوڑ ہے، عوام کا اعتماد عمران خان پر ہے، نواز شریف ملزم نمبر 1 ہیں، وزیرِ اعظم عمران خان نے ان کی کرائی گیند کو گرائونڈ سے باہر پھینک دیا، اس ملک میں سب سے پہلے فارن فنڈنگ نواز شریف نے کی تھی، یہ لوگ کہتے تھے کہ میری تو پاکستان میں بھی جائیداد نہیں ہے۔ فرخ حبیب نے کہا کہ مریم صفدر کو چیلنج کرتا ہوں کہ اسرائیل سے فنڈنگ ثابت کریں، مولانا فضل الرحمٰن کی ساری جماعت فارن فنڈنگ پر ہے، انہیں بھی چندے کی رسیدیں دکھانی پڑیں گی، ان لوگوں نے ابھی تک کسی چیلنج کو قبول نہیں کیا، ہم نے اپنے 40 ہزار ڈونرز کا ریکارڈ جمع کرایا ،آپ سب کو الیکشن کمیشن پر آ کر سب کچھ ثابت کرنا ہے، براڈشیٹ مسلم لیگ نون اور آصف زرداری کی فراڈ شیٹ بنی ہوئی ہے، عظمت شیخ کو چھوڑ کر کوئی فرشتہ بھی لگا دیں تو یہ لوگ اعتراض کریں گے۔پی ٹی آئی رہنما نے کہا کہ افتخار چوہدری رانا ثناء اللّٰہ کے کزن ہیں، یہ سب لوگ این آر او میں ملوث ہیں، مریم صفدر، بلاول اور فضل الرحمٰن کو چیلنج کرتا ہوں، یہ لوگ
اپنی رسیدیں الیکشن کمیشن میں لے کر ا ئیں، اکبر ایس بابر اسکروٹنی کمیٹی سے بھاگ گئے۔ انہوں نے کہا کہ الیکشن کمیشن اس کیس کا جلد فیصلہ کرے، تحریکِ عدم اعتماد لانے والوں کو ایک دوسرے پر اعتماد نہیں، فضل الرحمٰن آج کل بے روزگار ہیں، مولانا نے اپنے بھائی کو ڈی سی لگا دیا تھا، پی ڈی ایم والوں کو آپس میں عدم اعتماد
نہیں ہے۔فرخ حبیب نے مزید کہا کہ ان لٹیروں سے پیسے نکلوائیں گے اور انہیں جیلوں میں بھی بھیجیں گے، فارن فنڈنگ کیس میں سب سے بڑے ملزم نواز شریف ہیں۔انہوں نے یہ بھی کہا کہ ہم نے کبھی الیکشن کمیشن کی کارروائی نہیں رکوائی، ہم ہمیشہ اسکروٹنی کمیٹی کے سامنے پیش ہوئے، مریم بی بی کے انکل مودی کی حلف برداری میں نواز شریف گئے تھے ۔ انہوں نے کہا کہ پرچی چیئرمین بلاول بھٹو زرداری والدہ کی کتاب پڑھ لیں،
مریم صفدر سرٹیفائیڈ جھوٹی ثابت ہوچکیں، شریف خاندان نے پاکستانی عوام کو اربوں کا نقصان پہنچایا، عمران خان ان کو کسی صورت این آر او نہیں دیں گے، ۔فرخ حبیب کا کہنا تھا کہ فارن فنڈنگ کا طعنہ دینے والے پہلے اپنے خاندان کو دیکھیں، آپ کے پارٹی فنڈز میں ٹھیکیداروں نے پیسے جمع کرائے، ان کے پارٹی اکاؤنٹس میں منی لانڈرنگ کا پیسہ آیا، ان کے کاروبار اور پیسے بیرون ملک ہیں، آپ کی لوٹی ہوئی دولت ملک سے باہر ہے، یہ لوگ اپنا حساب دینے سے ڈر کیوں رہے ہیں؟
