ہاولنگر ( این این آئی ) پاکستانی مدرسے کے طالب علم سے شادی کے لیے افغان ازبک خاتون پاکستان پہنچ گئی ، مدرسے کے طالب علم فہیم الرحمن سے نکاح کرلیا ، تفصیلات کے مطابق افغانستان کے صوبے بغلان کی رہائشی 20 سالہ ازبک دوشیزہ اْولبَاش بی بی دختر نور محمد ویزا لیکر
بہاولنگر پاکستان پہنچ گئیں جہاں عصری تعلیم کے طالب علم 24 سالہ فہیم الرحمن ولد قاری عبدالسلام کے ساتھ مرکزی عیدگاہ جامع العلوم میں نکاح کی تقریب منعقد ہوئی جس میں سینکڑوں افراد نے شرکت کی مہر فاطمی کے عوض نکاح روحانی پیشوا شیخ الحدیث مولانا جلیل احمد اخون نے پڑھایا. اْولبَاش بی بی نے اس موقع پر گفتگو کرتے ہوئے کہا کہ ہمارے بزرگوں کے ساتھ پاکستان نے بطور مہاجرین جو احترام ، شفقت اور پیار کا سلوک کیا ہمارے نکاح میں اس کا بھی بہت بڑا عمل دخل ہے میرے لئے فخر ہے کہ میں نے پاکستانی نوجوان سے شادی کی ہے پاکستان اور فہیم الرحمن سے محبت کے باعث اپنے ملک اور خاندان کی قربانی دی ہے . شرکاء نے نئے جوڑے کو ڈھیروں دعاوں دیں ۔
