کراچی،لاہور(این این آئی)ائیر کوالٹی انڈیکس نے پاکستان کی فضا کو آلودہ قرار دے دیا ، دنیا کے آلودہ ترین شہروں میں کراچی چوتھے اور لاہور چھٹا نمبر پر آگیا ۔ایئرکوالٹی انڈیکس کے مطابق پاکستان کے مختلف شہروں میں ہوا میں غیر صحت بخش ذرات کی تعداد 250سے تجاویز کر گئی ۔
دنیا کے آلودہ ترین شہروں میں کراچی چوتھے اور لاہور پانچواں نمر پر آگیا ، فیصل آباد میں 290،مریدکے میں 247،کراچی میں 212،اسلام آباد میں 204،اور لاہور میں 203 غیر صحت بخش ذرات کی تعداد ریکارڈہوئی ۔ایئر کوالٹی انڈیکس کے جاری کردہ چارٹ میں دنیاکے آلودہ شہروں میں منگولیا کا شہر الانباتارپہلے نمبر پراور بنگلہ دیش کا شہر ڈھاکہ دوسرے نمبر پررہا، درجہ بندی کے مطابق 151سے200درجے تک آلودگی مضرصحت ہے،201 سے 300 درجے تک آلودگی انتہائی مضر صحت ہوتی ہے ،301 سے زائددرجہ خطرناک آلودگی کوظاہر کرتاہے۔ دوسر ی جانب شدید دھند اورتکنیکی مسائل کے باعث اندرون اور بیرون ملک سے آنے اورجانے والی 16 پروازیں منسوخ جبکہ 21 پروازیں تاخیر کا شکار رہیں، مختلف ٹرینیں بھی گھنٹوںتاخیر کا شکار رہیں۔ناس ائیر لائن کی ریاض سے آنے والی پرواز 317 ،نجف سے آنے والی پرواز 341 ،سرین ائیر لائن کی کراچی سے آنے والی پرواز 520 ،بلیو ائیر لائن کی
کراچی سے آنے والی پرواز 402 ،بلیو ائیر لائن کی دبئی سے آنے والی پرواز 417 ،اتحاد ائیر لائن کی ابوظہبی سے آنے والی پرواز 241 ،پی آئی اے کی کراچی سے آنے والی پرواز 306 ،ناس آئیر لائن کی ریاض جانے والی پرواز 318 ،نجف جانے والی پرواز 342 ،بلیو ائیر لائن
کی دبئی جانے والی پرواز 416 ،سرین ائیر لائن کی کراچی جانے والی پرواز 521 ،بلیو ائیر لائن کی جدہ جانے والی پرواز 4700 ،بلیو ائیر لائن کی کراچی جانے والی پرواز 405 ،اتحاد ائیر لائن کی ابوظہبی جانے والی پرواز 242 ،پی آئی اے کی کراچی جانے والی پرواز 307 جبکہ
بلیو ائیر لائن کی شارجہ جانے والی پرواز 412 منسوخ ہو گئی۔قطر ائیر ویز کی دوحہ جانے والی پرواز 621 بارہ گھنٹے 15 منٹ ،ترکش ائیر لائن کی استنبول جانے والی پراز 6885 چھ گھنٹے 20 منٹ ،ترکش ائیر لائن کی استنبول جانے والی پرواز 715 چھ گھنٹے 20 منٹ ،پی آئی اے
کی کوئٹہ جانے والی پرواز 322 ڈیڑھ گھنٹہ ،پی آئی اے کی کراچی جانے والی پرواز والی 303ایک گھنٹہ ،قطر ائیر ویز کی دوحہ جانے والی پرواز 629 تین گھنٹے 30 منٹ ،عرب امارات کی دبئی جانے والی پرواز والی 625 چالیس منٹ جبکہ دمام جانے والی پرواز 884 تین گھنٹے
چالیس منٹ تاخیر کا شکار رہی۔شدید دھند کے باعث ٹرین شیڈول بھی بری طرح متاثر رہا ۔کراچی اور کوئٹہ سے لاہور آنے والی متعدد ٹرینیں گھنٹوں تاخیر کا شکار رہیں۔شاہ حسین ایکسپریس 7 گھنٹے ،کراچی سے آنے والی خیبر میل ایکسپریس 3 گھنٹے ،گرین لائن ایکسپریس 5گھنٹے ،
تیز گام ایکسپریس 2 گھنٹے ،علامہ اقبال ایکسپریس 3 گھنٹے ،کراچی ایکسپریس 3 گھنٹے 40 منٹ،عوام ایکسپریس 2گھنٹہ ، ملت ایکسپریس 2 گھنٹے ،پاک بزنس ایکسپریس 4 گھنٹے 40منٹ ،فرید ایکسپریس2گھنٹہ ،جعفر ایکسپریس ساڑھے 4گھنٹے ،قراقرم ایکسپریس ساڑھے 3 گھنٹے جبکہ پاکستان ایکسپریس ڈھائی 2 گھنٹے تاخیر کا شکاررہی۔
